گود سبور- الرباط//

ما قدرش المنتخب الوطني المغربي لأقل من 17 عام، يحافظ على اللقب ديالو بطل لكأس إفريقيا لأقل من 17 عام، وودع المسابقة بخسارة مع السنغال فالدومي فينال.

ماتش الدومي فينال بين المغرب والسنغال اللي تلعب اليوم الخميس فتيران مولاي الحسن فالرباط، سالا الوقت الأصلي ديالو بالتعادل الإيجابي 1-1 والسنغال ماركاو هدفهم فالشوط الأول من اللعب، فالوقت اللي كان فيه المنتخب المغربي هو اللي مسيطر على الماتش وخلق فرص كثيرة، وضرب الكورة فالبوطو 3 المرات وما بغاتش تدخل، ولكن فاللحظات الأخيرة من الشوط الثاني قدر إسماعيل العود يخطف التعادل للمغرب من بينالتي، ومشاو المنتخبات لضربات الترجيح، واللي ربحوها السنغال بنتيجة 5-6

بهذه النتيجة تأهل المنتخب السنغالي إلى نهائي كاس أفريقيا وغادي يلعب من تنزانيا، أما المنتخب المغربي حامل لقب النسخة الماضية، غادي يلعب ماتش تحديد صاحبي المركز الثالث والرابع ضد منتخب مصر.

إقرأ الخبر من مصدره