أنشيلوتي: نيمار يقدر يلعب ضد المنتخب المغربي

گود سبور//

متفائل الطالياني كارلو انشيلوتي مدرب منتخب البرازيل، بخصوص مشاركة النجم البرازيلي نيمار سانتوس فمونديال 2026، وهذا الشي رغم الاصابة اللي قال التقرير الطبي انها تقدر تخليه ما يلعبش مدة 3 السيمانات، ولكن انشيلوتي قال ان نيمار يقدر يكون فماتش المغرب يوم 13 يونيو ضمن الجولة الاولى من دور المجموعات.

وكشفت كارلو انشيلوتي فتصريح له بخصوص الاعتماد على نيمار بعد التقرير الطبي اللي اكد انه موعت، وقال اللاعب يقدر يشارك فالماتش ضد المنتخب الوطني المغربي، والى ما قدرش يلعب غادي نتسناو حتى للماتش الثاني، واكد انشيلوتي انه ما غاديش يبدل شي لاعب من اللائحة للنهائية اللي فيها 26، وهاد اللعابا اللي فيها هما باش غادي يشارك فالمونديال 2026.

وخلق نيمار جدل كبير فالبرازيل بعدما اكتشف الطاقم الطبي للمنتخب البرازيلي انه موعت النهار اللول للمعسكر التدريبي، فالوقت اللي قالت وسائل إعلام برازيلية ان الاتحاد البرازيلي لكرة القدم والمدرب كارلو انشيلوتي غاضبين على سانتوس فريق نيمار حيث ما قالوش فالتقرير الطبي اللي رسلوه لهم قبل ما تخرج اللائحة انه موعت.

إقرأ الخبر من مصدره