كود سبور//
كتجه السلطات الفرنسية نحو إغلاق شارع شونزيلزي، أشهر شوارع العاصمة الفرنسية باريس وأشهرها عالميا غدا الأربعاء بالتزامن مع ماتش نصف نهائي كأس العالم قطر 2022، ما بين المنتخب الفرنسي والمنتخب الوطنى لكرة المغربي، خوفا من اندلاع أعمال شغب أو شي حاجة كتشبه لها.
وحسب جريدة ليكيب الفرنسية طالبت Jeanne d’Hauteserre وهي عمدة الدائرة 8 فالعاصمة الفرنسية باش السلطات تسد شارع شونزيلزي غدا الأربعاء لتجنب الحوادث والهجمات اللي تقدر توقع بالتزامن مع الماتش ديال منتخب فرنسا مع المنتخب الوطني المغربي.
وحسب نفس المصدر فالسلطات الفرنسية جندت 2000 بوليسي فباريس غدا على قبل الماتش ما بين المنتخب الفرنسي والمنتخب المغربي، واخا المباراة ملعوبة فقطر ماشي ففرنسا خوفا من أعمال شغب وغيرها اللي تقدر تهدد المواطنين الفرنسيين.
Laisser un commentaire