دومي فينال كأس العالم .. المغرب كيقود ثورة التغيير وكيواجه فماتش تاريخي فرنسا اللي باغيا تكرس سيطرتها

أكد سبور//

كيسعى المنتخب الوطني المغربي والخصم ديالو فنصف نهائي كأس العالم 2022، المنتخب الفرنسي لتحقيق أرقام وإنجازات غير مسبوقة من خلال التنافس على البطاقة المؤهلة إلى فينال كوب ديموند فالماتش اللي غادي يلعبوه اليوم الاربعاء مع 8 الليل فتيران البيت فالعاصمة القطرية الدوحة.

المنتخب الوطني المغربي مفاجأة كأس العالم قطر 2022، واللي حتى حد ما كان كيتوقع يوصل لهاد المرحلة فالمونظيال باستثناء الكاميروني صامويل ايتو، ومن بعدما صبح اول منتخب كيوصل لنصف نهائي كأس العالم وعادل قبل منها انجاز الكاميرون والسنغال وغانا بالوصلو إلى ربع النهائي وأيضا بلوغ الدور الثاني من بعد 36 عام على انجاز جيل 1986، اليوم غادي يلعب مباراة مصيرية من أجل مواصلة كتابة التاريخ حيث وليد الركراكي و ولادو باغيين يتورخوها ويربحو منتخب فرنسا حامل اللقب وبطل العالم 2 مرات، ويصبح المنتخب الوطني المغربي اول منتخب فالعالم من خارج أوروبا وأمريكا الجنوبية كيوصل لنهائي كوب ديموند فقط 2022.

وبالمقابل فالمنتخب الفرنسي غادي يدخل حتى نصف النهائي أمام المنتخب الوطني المغربي هو عندو الحافز ديالو، حيث كيقلب على كأس عالم ثالثة من بعدمت توج فبلادو عام 1998 ويحافظ على اللقب اللي توج به فمونديال روسيا 2018، وبالتالي يصبح أول منتخب كيحافظ على كأس العالم فنسختين متتاليتين منذ 60 عام وبالضبط نسختي 1958 و 1962.

المواجهات السابقة ما بين المنتخبين كلها كانت ودية ونصف نهائي مونديال قطر 2022، هو اول ماتش رسمي ما بين المنتخب الوطني المغربي والمنتخب الفرنسي حامل لقب كأس العالم، وفالماتشات الودية السابقة لم يسبق للمنتخب الوطني المغربي تحقيق الانتصار على الفرنسيين الشي اللي كيخلي الامتياز فتاريخ المواجهات لمصلحة الديكة ولو انها كانت ودية بحيث أن المنتخب الفرنسي وفعدد 5 مباريات لعبهم ضد المنتخب المغربي ربح 3 المرات وسالاو 2 ماتشات تعادل وكان آخرها ماتش 2007، واللي سالا تعادل 2-2 فتيران فرنسا الكبير.

وفالوقت اللي المنتخب الوطني المغربي كايشارك لأول مرة فكأس العالم وكيقود ثورة ديال الأفارقة والعرب فكرة القدم العالمية، وعشاق كرة القدم من خارج القارتين فالمنتخب الفرنسي شارك فنصف نهائي كأس العالم 6 مباريات سابقة، وخسر الثلاثة الأولى أمام كل البرازيل عام 1958 (2-5) وألمانيا الغربية فكل من 1982 (3-3 ، 4-5 أقلام) و 1986 (0-2) – قبل ما يحقق الفوز فالثلاثة الأخيرة – ضد كرواتيا عام 1998 (2-1) ، والبرتغال عام 2006 (1-0) وبلجيكا عام 2018 (1-0).

إقرأ الخبر من مصدره