واشنطن بوسط: المغرب صنع ملحمة فكأس العالم وهادي فرصة ليه باش يحبس سيطرة الدول الأوربية على المونديال

اسماء غربي – كود//

قالت الجريدة الامريكية واشنطن بوسط، اللي ديما كتسب بلادنا، ان المغرب باش يوصل لنصف النهائي فالمونديال مع فرنسا، المستعمر اللي سيطر على المغرب من سنة 1912 إلى 1956، هزم أسود الأطلس البرتغال واسبانيا اللي كانو مستعمرين للمغرب حتى هوما .

وأضافت الجريدة ، ان كأس العالم فرصة بالنسبة للمغرب باش يقول ان الاستعمار كان ذكرى واليوم كيقضي على المستعمر فاتيران كيفما قضى عليه من قبل ، وفرصة باش يحبس الصورة النمطية ديال ان التميز فكرة القدم والنجاح فيها حكر على الدول الأوروبية بحيث أن المغرب دولة افريقية وعربية وصلات لنصف النهائي وسالات مع عصور سيطرة اوروبا على كرة القدم.

وجاء فالمقال ، انه من جهة أخرى المونديال فرصة باش المغرب يبين ان المغاربة فأوروبا قدرو يحافظو على هويتهم المغربية حيث فاش سالا الاستعمار فالمغرب هاجرو الملايين من المغاربة لأوروبا باش يخدمو تما، وحاولات أجيال تندمج مع المجتمعات الأوروبية وتحافظ على هويتها المغربية فنفس الوقت. وتخلقات علاقة مغربية أوروبية فيها إحساس فوضوي وفنفس الوقت احساس قوي بالهوية، واغلبية نجوم اسود الاطلس مثال لهاد العلاقة وفوضويتها فحال اللعابة المغاربة اللي عندهم درجة مهرسة وكيهضرو بلغات أجنبية ولكن مغاربة الروح اللي كانت عندهم حتمالية اللعب فالبلدان الأوروبية اللي تولدوا فيها ،فحال حكيم زياش ، اللي كان كيلعب مع فريقو ولكن اختار المغرب، و سفيان أمرابط ، جنرال خط الوسط المغربي واحد من لاعبي البطولة ، لعب أيضا مع الهولنديين في سن الشباب لكنه اختار المغرب كلاعب دولي كامل. وأشرف حكيمي ، الظهير الأيمن المغربي المنحوت اللي كان مع نادي باريس سان جيرمان العملاق، اللي من ام عاملة تنظيف المنازل هاجرات لمدريد مع زوجها وتربى حكيمي وخوتو تما.

وجاء فالمقال ان المغاربة تحمسو لهاد الفريق واحتضنو التناقضات ديالو وتفاعلو فمواقع التواصل الاجتماعي مع تصاورهم وهوما كيحتفلو مع والديهم، أشرف حكيمي وماماه كتبوسو وبوفال وهو كيشطح مع ماماه فتيران، المغاربة تفاعلو لأنهم كيعرفو قصصهم وحيث القصص العابرة للحدود لهاد اللاعبين وعائلاتهم خلاتهم يكونو مغاربة بشكل جوهري وحيث كل مغربي عندو صحاب وعائلة فأوروبا وعارفين تحديات الاندماج في المجتمع الأوروبي وتربية لأطفال تما وشحال صعيب تحافظ على الوطنية وروابط الثقافة.

https://www.washingtonpost.com/sports/2022/12/13/morocco-world-cup-europe-colonization/

إقرأ الخبر من مصدره