كود سبور//
موضوع توزيع التذاكر فابور من النهار اللول قلنا فيها مشكلة. راه خطأ وغادي يدير مشاكل. دابا كاين مغاربة معتصمين فالمطار وكاينة رحلات تلغات من كازا للدوحة. هادا كاين. هادا موضوع مغربي مغربي. شوهة لينا اه.
لكن يجي واحد جبان بحال يوسف شيبو اللي مخدمينو سيادو القطريين ويعطي الدروس للمغرب هادي غير مقبولة
هاد شيبو كتب فاستغرام او قالو ليه اللي كيخصلوه يكتب هاد الشي٬ باللي توزيع التذاكر تسيء الى المغرب وخاص محاسبة المسؤولين.
انت اصلا واش كتشرف المغرب تخدم فدولة خرجات عليها فضايح كثيرة وما عمرنا سمعنا ليك صوت. واش كيشرف لمغاربة تخدم انت وغيرك كثير فدولة متهمة فتقديم رشاوى لبرلمانيين اوربيين والتحقيق تم والاعتقالات بدات.
ايلى فيك الشهامة على الاقل وغير حط هاد لخبار فصفحتك فانستاگرام. انت كتهدر على مغاربة جاو وما لقاوش تذاكر حتى سيادك القطريين وقفو الرحلات. قبل ما يتحركو سيادك كتني ضارب الطم.
انت وبحالك عدد هما الشوهة للبلاد. كطبلو لبلاد خدات كاس العالم وشفنا اش وقع للاعضاء اللي عطاوها هاد الكاس. شي فالحبس شي متوقف مدى الحياة. شفنا اش وقع فبناء البنيات التحتية والتقارير الحقوقية علي مقتل الالاف. هاد الشي شفناه ولكن انت ما شفناكش.
التذاكر تفرقات من ماتش اسبانيا اي الثمن. ما عمرك حليتي فمك. هدرتي يا الكاري حنكو يا عبد سيدو القطري غير باش تقلقات السلطات القطرية.
باش يهدر شي حد علي شي موضوع حقوقي او انساني كبير عليه خاصو يكون حر. انسان حر. الحرية بمفهوها الغربي ماشي ديال فقهاء الظلام فالخليج.
بقى تجمع لفلوس فقطر وخدم سيادك وخلي عليك المغرب. نهار تسكن فيه وتخدم فبلاصة اخرى ماشي عند سيادك القطريين يمكن ليك تهدر علي هاد الشي
موضوع يتناولوه لمغاربة اللي عايشين فالمغرب جات معاهم. حتى اللي عايشين فالغرب الجميل الديموقراطي من حقهم. الا انتوما يا رباعة شاربي بول البعير هدرو فمواضيع كتماشى ودرجة الحرية فهاد البلدان