كود سبور//
صبح ياسين بونو حارس مرمى المنتخب الوطني المغربي وإشبيلية الإسباني مرشح للانتقال إلى بايرن ميونيخ الألماني خلال الانتقالات الشتوية المقبلة، من بعد المستوى الكبير اللي قدمو مع ليكيب ناسيونال فكاس العالم قطر 2022، والوصول إلى نصف النهائي.
الرغبة ديال بايرن ميونيخ الألماني فالحصول على ياسين بونو لتعويض غياب لكول مانويل نوير اللي تهرس، خلال إشبيلية الإسباني يطلب مقابل مادي حسب ما علنت عليه قناة الرياضية المغربية، واللي علنت قبل لحظات أن الفريق الإسباني حدد مبلغ انتقال ياسين بونو فمبلغ 26 مليون أورو.
للإشارة فياسين بونو صبح من أحسن حراس المرمى فالعالم، من بعد التألق فالسنوات الأخيرة مع إشبيلية الاسباني وأكد هادشي بالمستوى الكبير والقوي اللي ظهر به مع المنتخب الوطني المغربي فكأس العالم قطر 2022، حيث تسجلت عليه فقط 3 أهداف فالبطولة فقط، صعيب يتحمل فيها المسؤولية وساهم فوصول ليكيب ناسيونال لدومي فينال.
Laisser un commentaire