كود الدوحة ///
علمت “كود” ان الجامعة الملكية المغربية لكرة القدم رسلات للديوان الملكي اسماء بجميع لاعبي الاسود واعضاء البعثة المغربية الى قطر كلها وعائلات اللعابة حتى هما بالاضافة الى اسماء اعضاء المكتب الجامعي.
دابا وفق ما علمته “كود” الاستقبال اللي غادي يديرو سيدنا فالقصر الملكي بالرباط للاسود غاديين يكونو فيه عائلات اللعابة. مصادر “كود” استبعدت حضور المكتب الجامعي. يتوقع حضور رئيس الجامعة بوحدو حتى ابرون اللي كان رئيس الوفد موحالش يحضر بسباب فضايح التذاكر.
اللعابة كانو حضرو لفينال كأس العالم بملعب لوسيل بالدوحة ومن بعد رجعو للوطيل. وعكس ما قبل سابقا٬ يتوقع ان تتحرك طائرة الاسود فاتجاه مطار الرباط غدا فالصباح. الاستقبال غادي يكون غدا الاثنين 19 دجنبر 2022 فالعشية.
سيدنا كان خرج للشارع ولبس التوني وفرح مع لمغاربة بعد التأهل التاريخي للاسود فهاد المونديال وخرج بعد الوصول لنصف النهاية واتصل بيهم يبارك ليهم النتائج ورسل ليهم بعد حصولهم على الرتبة الثالثة ببرقية تهنئة.