شكون يحاسب سفيرنا فقطر. ما دار والو غير يتصور ويعطي تصريحات ويفرق ليبيي على عائلتو وعائلة صحابو

كود الرباط ///

محمد سيتري سفير المغرب فقطر دار خدمة خايبة فهاد المونديال. بحالو بحال سيدو ناصر بوريطة وزير الخارجية. كان همو الاول صورتو هو. كان همو الاول عائلتو وعائلة بوريطة اللي جات تفرج فالماتش. دار ليهم خدمة “في اي بي” واللي ما عندوش مع بوريطة بحال سفيرنا فالامم المتحدة عمر هلال خلاه كيتسنى فالمطار وما تسوقش ليه.

سيتري كان حادگ غير فالظهور فالاعلام القطري ويشكر هاد الدولة ويشكر اميرها. سفير كان همو الاول والاخير يقلب علي تذاكر ليه ولصحابو.

فماتش نص نهاية كأس العالم بين المغرب وفرانسا عطاوه يفرق الف تذكرة على مغاربة قطر. “كود” تلاقات بعدد منهم ما فراسهم اصلا هاد الشي. كلهم كيكررو “راه غادي يفرقها على صحابو. راه ما كيدير لينا والو. حتى باش نحتاجوه ما كيدير والو”.

حتى باش كانو لعابة المنتخب فالمطار كان همو يتصور معاهم ويجيب ولادو يتصورو. ما عمرو تسوق لشي حاجة. بحالو بحال ناصر بوريطة سيدو للي كيقدسو فاشلين. عزيز عليهم الضو ويبانو.

هادا نموذج للديبلوماشي الضعيف اللي كيشوه بلادو ماشي يرفع شأنها. شفنا كيفاش اعضاء جامعيين تشكاو من تصرفاتو.

إقرأ الخبر من مصدره