كود سبور//
أكد حسن بنعبيشة اللي شرف على تدريب الوداد الرياضي فماتش الكلاسيكو أمام الجيش الملكي اليوم الخميس فتيران مولاي عبد الله بالرباط، ضمن الجولة 9 من منافسات البطولة الاحترافية لكرة القدم، أن الخسارة كانت مستحقة أما ليفار وجات بسبب أخطأ فردية.
وتحدث بنعبيشة فالندوة الصحافية من خسارة الوداد الرياضي مع ليفار وقال: “الجيش الملكي يستحق الفوز فالكلاسيكو، خسرنا بالأخطاء الفردية وليفار كانوا فالمستوى أما حنا ما كناش فالماتش”.
وزاد بنعبيشة ووضح: “توقف البطولة لمدة شهر كيفيد بعض الأندية وبعض الأندية الأخرى ما كتستفدش منو، وحنا من الفرق اللي ما ستافدوش من التوقف ديال المنافسات”.
وشدد حسن بنعبيشة وقال: “الوداد فريق بطل وخا خسر راه غادي يبقى ديما لاعب على البطولة، ومزيان اللي جات الهزيمة فهاد الوقت باش الفريق يراجع الأوراق ويوجد مزيان من أجل العودة للتوهج ديالو”.
Laisser un commentaire