كود سبور//
غادي يتعاقد الوداد الرياضي فالأيام المقبلة مع مدرب جديد باش يتكلف بقيادة الفريق الأحمر فالمنافسات المقبلة، حيث تبين أن توليفة المدير التقني حسن بنعبيشة وعبد الإله صابر ما مسلكاش من بعد الخسارة أمام الجيش الملكي بثلاثية لصفر وفقدان صدارة البطولة.
وحسب مصدر مطلع فالمدرب الجديد ديال الوداد الرياضي ما غاديش يكون البرتغالي ألكسندر سانتوس مدرب بيترو اتليتيكو الأونكولي كيفما كان وكلشي كيقول، واللي طالب 300 مليون باش يفسخ بها العقد ديالو مع بيترو.
سعيد الناصيري رئيس الوداد الرياضي وصل لاتفاق مع المدرب التشيكي إيفان هاشيك باش يدرب بطل المغرب وإفريقيا المقبل على كأس العالم للأندية والحفاظ على دوري ابطال إفريقيا والبطولة والتتويج بكاس العرش، وهذا مدرب سبق له درب فالشرق الأوسط وخدم مع فرق فلبنان والإمارات والسعودية.
Laisser un commentaire