كود سبور//
كيواصلو المسؤولين الجزائريين تشويه صورة بلادهم فالعالم، والفضائح ديال كأس أمم إفريقيا للمحليين 2023 مستمرة بالجزائر.
وهاذ المرة جا الدور على حميد مدان عضو الاتحاد الجزائري لكرة القدم واللجنة المنظمة لبطولة كأس إفريقيا للمحليين، واللي دار شوها خلال استقبالو لمنتخب غانا بالمطار اليوم الثلاثاء.
حميد مدان اللي تبين أنه ما عندوش الإنجليزية فالفم ديالو، قرر يتعلق فين يتفلق وبغى يبان على الغنيين ولجأ للتيليفون ديالو باش يتهجى كلمات الترحيب بالإنجليزية واللي أما كتبهم له شي حد أو أنه دخل لكوكل تراديكسيون باش دبر عليهم.
وخلق حميد مدان المسؤول الجزائر الفكاهة ودار الضحك فراسو وفالجزائريين، حيث كان بإمكانو يجيب مترجم ويتكلم بالعربية أو بالدارجة الجزائرية والمترجم يدير خدمتو يتكلف بترجمة كلمات الترحيب للوفد الغاني فبلاصة ما يبدا هو كمسؤول جزائري يتهجى ويقفقف ويدير الشوهة.
Laisser un commentaire