سكوب. ها فضيحة خايبة غادية طيح ريوس كبيرة وكتخسر فيها الدولة لملاير. الديوانة حجزات 700 طابلو ديال سمسار “غير قانوني”: تهريب لملاير والتلاعب بالفاكتورات وفيهم مقاول كبير مخلص طابلو فالخارج ب600 الف اورو بلا ما يديكلاري هنا

كود هناء ابو علي ////

علمت “كود” ان الجمارك حجزات هاد ليام فكازا 700 لوحة لفنانين. هاد اللوحات كلها دارت فديبو الديوانة فكازا ديال شي واحد من اكبر البياعة والشراية فالطابلوات فالمغرب ولكن ما عندو شركة ولا باطانت ولا والو.

وفق مصادر “كود” الفيلم بدا بعد ما تشكى شي حد لشي ديوانة فاوربا وترسلات الشكاية لهنا. بدا التحقيق حتى تمت عملية الحجز.

الديوانة للي مازال كتحقق فالملف الخانز وفقات على فضايح كثيرة. لوحات لفنانين مغاربة كبار بحال مليحي وغيرو كتهرب من لبلاد وكتباع برا فالاف الاورات وديك لفلوس ما عمرها كتدخل للمغرب.

واكتشفو باللي لوحات لفنانين اجانب تباعت هنا فالمغرب بلا ما تصرح بيها شي حد للديوانة. دابا كاينة مافيا كبيرة فيها شبكة خدامة فهاد الشي.

ووفق مصادر “كود” لقاو فاكتورة لطابلو واحد شراه مقاول مغربي كبير ومعروف ب600 الف اورو بلى ما يكون شي طراس عند مكتب الصرف او الديوانة او المصالح المختصة بللي هاد لفلوس خرجات من لبلاد.

هادي شبكة كبيرة غادية طيح ناس كثار. راه 700 طابلو هادي

إقرأ الخبر من مصدره