وكالات //
بسبب الأزمة الاقتصادية الخانقة لي كدوز منها، كتحاول مصر باش تعتق ما يمكنها تعتق قبل ما يثورو عليها الناس في الشارع، لأن القضية ولات فيها زيادة خرافية في الأسعار والجنيه طاح للأرض.
الحكومة المصرية قالت أنها غادي تبدا عملية ديال ترشيد النفقات، وغادي تبدا أول حاجة من الحكومة لي وزرائها غادي يتمنعو من السفر للخارج إلا في الضرورة القصوى أو إلى خلصو هوما على راسهم.
ومن غير هادشي قالت الحكومة أنها غادي تأجل بزاف ديال المشاريع باش تقدر تضبط الوضع الاقتصادي لي تسبب فيه التعويم الأخير ديال الجنيه، لي تفرض بسبب شروط حطها صندوق النقد الدولي باش يعطي للدولة قرض مالي.
Laisser un commentaire