ناطق رسمي بلغة الخشب يقاطع “كود”. بايتاس وزير “على قد الحال” وتواصل ضعيف رد على سؤالي: نتا بالضبط م غانجاوبكش حيث كنوصف تواصلو بـ”لغة الخشب”

هشام أعناجي ـ كود الرباط//

البارح لخميس 12 يناير 2023 مور ندوة المجلس الحكومي، جلس مصطفى بايتاس، الناطق الرسمي باسم الحكومة، مع بعض الصحفيين لي حضرو للندوة، فقاعة داخل مقر وكالة المغرب العربي للأنباء. هادي مولف يديرها.

بركة بحال هادي كتسنى منو يخرج خبيرات حقاش فإطار التواصل ديالو للي مافيه معلومات واللي كيبين بلي ما فيدوش ومحافظش صواريه.

فهاد اللقاء لي حضرت ليه باش ندير خدمتي كيف كل سيمانا، بعدما عيط لي واحد من الصطاف ديال بايتاس، وجلست كباقي الزملاء، باش نسولوه ونتناقشو في إطار العمل المهني لي كيديرو أي صحفي، فاش جات الفرصة نسول بايتاس على السجل الاجتماعي والسجل الوطني للسكان شحال وصلنا والارقام، رد ما عندوش معطيات٬ ولكن واعد يجيب المعطيات السيمانا الجايا.

حتى لهنا الامور عادية، واخا ما عندوش معطيات وغير ملم بأهم ملف اللي كتقول الحكومة خدامة عليه :”الحماية الاجتماعية”، نقولو هانيا غايجاوب الاسبوع الجاي، ولكن فاش سولتو على غياب التضامن الحكومي مع وهبي جاوبني :”نتا ما غانجاوبكش”. تصورو واش هادا جواب.

واش دبا بايتاس كيهدر كوزير عندو موقف من “كود” ولا كممثل للحكومة وناطق باسمها؟ كيبقا هاد السؤال مطروح ما حد بايتاس ختار مور ندوة المجلس الحكومة يرد على سؤالي بالقول :”نتا بالضبط ما نجاوبكش”.

عرفتو علاش بايتاس قالي :”نتا بالضبط ما نجاوبكش”، حيث قاليك كتبنا عليه ف”كود” ووصفنا باللي تواصلو عامر لغة الخشب. اييه لغة الخشب راها باقا. وزير ضعيف فالتواصل الحكومي. هاد الشي بان باش جا معاه الوزير المنتدب المكلف بالميزانية هادي اسبوعين. هو بغى يحدد المواضيع اللي يهدر فيها ولقجع رد عليه وقال باللي ممكن يهدر على كلشي. ديك الساعة وزير لغة الخشب ما كرهش يخشي راسو فالتراب ويغبر

دابا صاحب لغة الخشب خاصو غير يجاوبنا: واش هادا موقفو الشخصي ولا موقف الحكومة.

إقرأ الخبر من مصدره