كود سبور//
صبحت المفاوضات ديال ليدز يونايتد الننكليزي من أجل التعاقد مع الدولي المغربي عز الدين أوناحي نجم انجي الفرنسي جادة ومعقولة ما بين جميع الأطراف، حسب آخر التقارير ديال ملف انتقال ولد أكاديمية محمد السادس، وهي الصفقة اللي خالقة “سيسبانس” وسط متتبعي كرة القدم العالمية.
وحسب الإعلامي الإيطالي فابريسيو رومانو المتخصص فصفقات انتقال اللاعبين بأوروبا، قرر فريق ليدز يونايتد ينطلق فملف عز الدين باش يحسم الصفقة ديالو، وراه بدات المفاوضات قبل أيام ما بين إدارة الفريق الننكليزي و مقربين من النجم المغربي ومع فريق أنجي، وشدد مرة أخرى على أن باريس سان جيرمان ما مهتمش بالصفقة.
وكتهتم مجموعة من الاندية الاوروبية بخدمات عز الدين أوناحي فحال البارصا وإشبيلية الاسبانيين، ونابولي الإيطالي اللي قدم عرض رسمي قبل أيام باش يسني مع اللاعب المغربي اللي كان واحد من اكتشافات كأس العالم قطر 2022، بالأداء القوي اللي قدم مع المنتخب الوطني المغربي.
Laisser un commentaire