كود سبور//
كيواصل الدولي المغربي وليد شديرة التألق مع باري الإيطالي فالقسم الثاني الإيطالي، وكاركا هاتريك على الفريق ديالو السابق بارما البارح الأحد، اللي كيحبس له الأسطورة العالمية جانلويجي بوفون.
ونجح وليد شديرة فتسجيل 3 أهداف فالشوط الأول لمصلحة باري على حساب بارما، وضربهم على بوفون واحد من أحسن لكوال فالتاريخ ديال الكرة إلى مكانش هو أحسن واحد فيهم، وماركا شديرة فالدقيقة 5 والدقيقة 13 من بيلانتي والدقيقة 43 من ضربة جزاء أيضا، أما الهدف الرابع ديال باري ماركاه إيدي سالسيدو فالدقيقة 90.
بهاد الأهداف اللي سجل وليد شديرة فماتش البارح، رفع رصيد الأهداف ديالو فبطولة القسم الثاني الإيطالي إلى 13 هدف وهو الهداف ديالها، أما الفريق ديالو باري بهاد الفوز زاد عزز الرصيد ديالو اللي صبح 33 نقطة وكيحتل المركز الرابع، وكيخلي تألق شديرة مع فريق باري مقابل التواضع ديالو مع المنتخب الوطني المغربي فكأس العالم الأخيرة فقطر يطرح التساؤلات على اللاعب اواش كيعني من شي ضغط نفسي ملي كيكون فليكيب ناسيونال حيث الجمهور المغربي كيتسناه يماركي مع العلم ان نابولي الايطالي باغي يسني معه وكاينة تقارير ايطالية قريبية من نابولي كشفت أن الأخير حسم الصفقة ديال شديرة وغادي يخليه يلعب مع باري حتى نهاية الموسم الجاري.
Laisser un commentaire