شاكيرا شوهات بيكي ب”الفن”. اغنيتها فاتت 114 مليون ف3 ايام. وصفات راسها بديبة كانت مع واحد ما عندوش النيفو – كلمات الاغنية بالدارجة

كود هناء ابو علي ///

المغنية شاكيرا خرجات اغنية على فراقها من حبيبها السابق لاعب المنتخب الاسباني سابقا والبارصا جيرار بيكي. الاغنية وصلات ف3 ايام لـ114 مليون مشاهدة. وكاينين ترجمات كثيرة لنفس الاغنية.

فكلمات الاغنية شاكيرا قالت باللي بين “الزعطة والكراهية” غير خطوة. هاديك الخطوة دارتها النجمة الكولومبية. خرجات كاع اللي ضرها من علاقة طويلة بينها وبين بيكي اللي حصلاتو خانها.

شاكيرا ختارت الفن باش تصفي حساباتها مع حبيبها السابق. كانت قاصحة. عاشقة مطعونة ردة فعلها كانت صعيبة. هاجمات “كلارا” =22 سنة= الصاحبة الجديدة اللي عمرها نص عمر شاكيرا. قالت لصاحبها بيكي باللي بحال ايلى بدل طونوبيلة فيراري =شاكيرا= برونو توينگو =كلارا= وباللي هادا اللي بدلها ما عندو مخ. مقابل غير العضلات ومحتاج يدير الرياضة لعقلو ماشي غير لجسمو.

ها كلمات الاغنية بالدارجة:

سمحي لي. ختاريت طيارة اخرى
ما راجعاش لهنا
ما غاديش نعيش احباط مرة أخرى
كتگول على راسك بزاف باللي بطل
وفاش حتاجيتك بينتي على الخيوبية اللي فيك
كتگول على راسك بزاف باللي بطل
وفاش حتاجيتك بينتي على الخيوبية اللي فيك
سمح لي حوبي. شحال هادي كان خصني نتقيا هاد الشي
ديبة =ذئبة= بحالي ما مواتياكش
الرجال فحالك
ديبة =ذئبة= بحالي ما مواتياكش
الرجال فحالك
من ديما كنت بزاف عليك وهادشي اللي خلاك طيح مع وحدة فالنيفو ديالك

هاد الكلمات ليك باش نحس بالذل، وباش تسرط هاد الشي. تمضغو
ما غنرجعش ليك وخا تنوح وتعاورط
فهمت باللي ماشي ذنبي ايلى انتقدوك
انا كنصنع الموسيقى وصافي، وسمح الى خسرت سمعتك
بفراقك هذا خليتيني للنسيبة تحضيني
خليتي الصحافة فبابي، والمشاكل مع الضرائب
كان كيتسحاب ليك راك كتأذيني ولكن راك كتقويني
المرأة ما بقاتش كتبكي ولكن ولات تخلص بفلوسها
سميتها =كلارا صاحبة بيكي الجديدة= كتبين انها انسان واعر
ولكن بوضوح باين انها ماشي زوينة
راها فحالك تماما
بين الزعطة والحقد غير خطوة
باش نساليو من هاد الفيلم ما دورش بي
مكايناش الضغية بيناتنا،حبيبي، كنتمنى ليك حظ سعيد مع اللي عوضاتني
راه انا ما عارفتش حتى شنو وقع ليك
كتتصرف ففشي شكل حتى مابقيتش كنعرفك
انا الدوبل ديال العمر ديال حبيبتك الجديدة
راك بدلتي الفيراري ب »توينگو
بدلتي روليكس با ساعة كاسيو
راك مزروب. حاول على راسك
ااه ، بزاف لانترينمون باش تقوي عضلاتك
ولكن خص حتى عقلك يتريني
فينما مشيت كيصورو
كنحس براسي محبوسة هنا، ولكن ماشي مشكل
غنخوي الدار غدا، ومعنديش مشكل الى بغيتي تجيب صاحبتك ليها
« كلارا » اسمها ديال
ولكن ديبة بحالي ما توالمش للرجال بحالك

إقرأ الخبر من مصدره