بريطل “خبير” شبح فالمركز السينمائي واخا ما عمرو حط رجلو فيه ومستشار فوزارة بنسعيد بشي 47 الف درهم للشهر وزادوه افتتاح الموندياليطو

كود احمد الطيب الرباط ///

تصورو مخرج متواضع اسمو يوسف بريطل مول الفيلم الضعيف “المسيرة” اللي تخسرات عليه فلوس كثيرة من المال العام٬ كيخدم “خبير” في المركز السينمائي المغربي.

حسب مصادر “كود” فبريطل الخبير “ما عمرو حط رجلو فالمركز السينمائي” وباللي “مكتبو كاين فوزارة الاتصال والثقافة. علاش فهاد الوزارة؟ حقاش صاحبنا قبل ما يتعين “خبير” فالقطاع٬ كان مستشار للوزير.

مستشار ياخد 12 الف درهم وتزادو 35 الف درهم او اكثر وها هو ولى كياخد شي 47 الف درهم.

هاد الشي ما كافيهش. صاحبو لوزير خاشيه فكلشي. علاش؟ اكيد ماشي على خبرتو. لانو ضعيف فالسينما كمخرج. دار شي بطولة قبل وكان ممثل درجة ثانية وصافي.

هادا ما يمكنش يكون لا مستشار ولا خبير لمسؤول حكومي. النيڤو على قد الحال

علاقاتو بشي وحدين الفوق كيف كيقول هو فتحات ليه هاد الابواب. فضيحة فهاد لبلاد تكون ما فيدكش وتولي فموقع المسؤولية. دابا هاد الشاب مكلف بالاخراج فافتتاح الموندياليطو بملعب طنجة السيمانا الجاية.

إقرأ الخبر من مصدره