وا بنسعيد اللي مقابل فيزا بنشليخة ها فين خاصك تدخل تحمي لمغاربة. “تيكي.ما” قولبات لمغاربة. وافا ل”كود”: شريت بيي حفل المالح وتخلصو وما رسلوش لي التذاكر وها باش جاوبوني” ومارشي نوار طلع فيه السوق حتى 5 الاف درهم

كود كازا ///

الفنان المغربي گاد المالح داير جولة فالمغرب لاخر ابداعاتو “دايور”. غادي يكون فكازا يومي 29 و30 من هاد الشهر و31 يناير و1 فبراير غادي كون فالرباط و3 و4 فبراير فمراكش. يعني 6 الحفلات. هاد الشي تكلفات بيه “تيكي.ما”. منتج الحفل الساخر فرض على البلات فورم تشري من عندو الحفل وماشي يحط التيكي وتباع.

وفق ما علمته “كود” هاد الشي علاش ختارو “تيكي.ما” غير هو وقعو مشاكل كثيرة واحتيالات كيف وصفوها زبناء ل”كود”. وافا بيضاوية وحدة من اللي قولابتها “تيكي.ما”؟ كيفاش

فالساعات الاولى باش تحطو التذاكر فهاد الموقع شرات جوج من الكاتيگوري 1. “شريت بيي الحفل الجمعة باش 20 يناير 2023 مع العشرة و20 دقيقة دالصباح” تحكي وافا ل”كود”. ما جاوبها حد. حاولات تتصل ووالو “ما خرجوش لي التذاكر. بعد 30 ساعة اي السبت 21 يناير مع الخمسة العشية عاد وصلني ايميل كيقول باللي كاين اقبال كبير وباللي لغاو اقتناء التذاكر وباللي غاديين يرجعو لي فلوسي” تضيف وافا.

هاد الايميل كيقول باللي عملية شراء لبلايص فحفل گاد المالح ما تأكداتش وباللي باش يرجعو ليها لفلوس غاديين يرسلو ليها ايميل

ماشي غير وافا اللي عاشت هاد الشي. عدد من عشاق الفنان اللي بغاو يشريو تذاكر فالرباط وكازا ومراكش من “تيكي.ما”

دابا زبناء لقاو تذاكر نفس الحفل فالسوق السودا ما بين 1500 و5000 درهم. هادي فضيحة كبيرة وخاص السلطات تدخل وتفتح تحقيق مع قوالب “تيكي.ما”. بغاو يربحو ودارو هاد الشي

اللي خاصو يدخل هو وزير الثقافة المهدي بنسعيد. مازال عندو الوقت وكيدخل باش يجيب فيزا لبنشليخة علاش ما يفتحش تحقيق فهاد لفضيحة

إقرأ الخبر من مصدره