الحسنية غاديا فالخسران.. الفريق السوسي انهزم فأكادير مع الفتح اللي قرب من الصدارة

كود سبور//

كيواصل حسنية أكادير التواضع فالنتائج ديالو وخسر ماتش اليوم الخميس فالدورة 15 من الدوري الاحترافي المغربي، وانهزم مع الفتح الرياضي فتيران أدرار بأكادير.

حسنية أكادير اللي جمهورو كيقاطع ليماتش ديالو احتجاجا على وضعية الفريق، خسر مع الفتح بنتيجة هدف واحد لزيرو ماركاه اللاعب أنس باش فالدقيقة 45، وبقات النتجية كيف ما هي حتى سالا الماتش واخا حاولو الحسنية يرجعو فالماتش ولكن ما قدروش.

خسارة اليوم زادت عقدت الوضعية ديال حسنية أكادير والفريق كيحتل المركز 13 وعندو 14 نقطة، أمام الفتح الرياضي فانفرد بالمركز الثالث بهاد الرباح وعندو 29 بفارق 2 نقاط على الصدارة.

إقرأ الخبر من مصدره