بحضور متولي والانتدابات الجديدة.. طنجة خسرات مع السوالم وزادت غرقات

كود سبور//

صبح الخسران عن إتحاد طنجة شي حاجة عادية، وخسر الفريق ماتش جديد فالبطولة اليوم السبت وهاد المرة مع فريق شباب السوالم فالدورة 16 من الدوري الإحترافية المغربي.

وخسرو إتحاد طنجة مع شباب السوالم فتيران البشير فالمحمدية بنتيجة 2 لزيرو، وسجل هدف السوالم اللاعب ديالهم المهدي ماوبوب فالدقيقة 60، وزاد جيبريل سيلا الهدف الثاني فالدقيقة 90، علما ان طنجة شاركت بالانتدابات ديالها الجديدة ومن بينهم محسن متولي وزهير لعروبي وسفيان المودن.

ورفعو شباب السوالم الرصيد ديالهم من بعد هاد الرباح إلى 24 نقطة وطلعو للمركز 6، أما إتحاد طنجة غرقات والفرقة كتطل على القسم الثاني وعندها غير 2 نقاط، وما ربحت حتى ماتش من 16 مباراة خسرات فيها 14 وتعادلت 2 ماتشات.

إقرأ الخبر من مصدره