كود الرباط//
بنسالم حميش الروائي والمثقف، وزير الثقافة السابق، هضر على الانفتاح لي دارت وزارة الثقافة على فن الراب واستضافة فنان الراب “الكراندو طوطو” بالخط الانحداري والتلاشي.
وطالب حميش، خلال ندوة بالدار البيضاء، وفق فيديو نشره موقع “اليوم 24″، بانتفاضة داخل الثقافة بالمغرب وقال “ميمكناش فهاد المجال أن نتهاون أو نتآكل”.
حميش باعتراف منو مقدرش حتى ينجز مشروع ديال التماثيل لي بغا يدير فالمغرب فاش كان وزير الثقافة. وقال بأن جميع البلدان دارو التماثيل الا فالمغرب، وبأنه متوفقش باش يديرها فبلادنا.
حميش مؤخرا، ولى مع المحافظين بزاف، وفاش هضر على وزراء السابقين بدا يهضر بطريقة استهزائية بحيث وصفهم بلي غادين فالخط الانحداري ومنهم وزراء ماقدمو والو للثقافة.
Laisser un commentaire