سامي العلوي -گود كازا //
الوكيل العام للملك عند المجلس الاعلى للحسابات خدام هاد ليام على الجهد فاستدعاءاتو لمسؤولين فعدد من الجامعات المغربية لي عندهم تقارير قديمة ديال المجلس فعهد ادريس جطو.
وحسب مصدر خاص ديال “گود” فراه النيابة العامة التابعة للمجلس الاعلى للحسابات وجهات هادي عشىر ايام استدعاء لنبيل حمينة الرئيس لي كان فجامعة السلطان مولاي سليمان فبني ملال على خلفية مواضيع تتهم المال العام.
مصدر “گود” أكد على ان الاستدعاء والمراسلة لي مشات لوزيرة الاقتصاد والمالية تتهم فلوس الدولة لي مشاو فصفقات عمومية ومعندهاش مبررات.
رؤساء الجامعات هاد ليام شاداهم الرعدة خصوصا فجامعة الحسن الاول بسطات بحيث ان أحمد نجم الدين الرئيس الاسبق لجامعة سطات، وخديجة الصافي الرئيسة السابقة لهاد الجامعة حتى هنا معنيين بهاد التحقيقات ومطلوب منهم أجوبة فالقريب عن طريق المحامين ديالهم .
Laisser un commentaire