مصدر من وزارة الثقافة ل”كود”: بريطل عندو مكتب فالوزارة وخبير فالمركز السينمائي ولكن ما عندوش جوج صاليرات

كود الرباط ///

قدم مصدر من وزارة الثقافة ل”كود” معطيات حول وضعية المخرج والممثل يوسف بريطل مع الوزير مهدي بنسعيد. المصدر قال ل”كود” باللي بريطل عندو مكتب مع مستشاري الوزير ولكن مهمتو مستشار خبير فالمركز السينمائي المغربي صافي. واضاف “راه ما عندوش جوج الخلصات: وحدة كمستشار ووحدة كخبير فالمركز. كيتخلص غير على مهامو فالثاني”.

وكانت “كود” نشرات قبل باللي بريطل كيتخلص كمستشار للوزير وكخبير مكلف بالمركز السينمائي. هاد التوضيح كيقول باللي عندو غير صالير واحد. هاد الصالير كيف كشفات عليه “كود” فالسابق٬ راه كيفوت 35 الف درهم يعني تقريبا صالير مدير المركز السينمائي.

ياك السي لوزير بغاه خبير واخا مستواه ضعيف٬ يدير ليه مكتب فالمركز ماشي مكتب حداه

بريطل مخرج ضعيف بتجربة ضعيفة. علاقاتو خلاتو مهم فقطاع السينما. وصلات وقاحة شي وحدين باغيين يتقربو منو ومن صحابو حتى كلفوه بالاخراج فافتتاح الموندياليطو اللي غاي يكون غدا فطنجة

إقرأ الخبر من مصدره