كود سبور//
خرج التونسي المهدي النفتي مدرب الوداد الرياضي من بعد يومين على إقصاء الفريق من كأس العالم للأندية، باش يتكلم مع الجماهير الودادية الغاضبة عليه وعلى اللاعبين بسبب الخسارة مع الهلال السعودي فربع النهائي وتوديع البطولة، اللي كانت عقدة عليها أمالها باش توصل فيها على الأقل للفينال.
وخرج المدرب المهدي النفتي وأكد أنه مستمر في الوداد وكتب فأنستغرام ديالو ميساج لجماهير الوداد وقالهم: “من بعد يومين صعاب بزاف، جا الوقت باش نهزو ريوسنا، راه عطينا كل ما عندنا، وكنا قراب بزاف باش نحققو هاد الإنجاز”.
وأكد المهدي النفتي للاعبيه بالفريق ولجماهير الوداد: “راني كنفتاخر باللاعبين ديالي بزاف، وبهاد الجمهور اللي كيستحق يكون فرحان وتيقو بيا غادي نديرو جهدنا ونخدمو باش نفرحوكم”.
Laisser un commentaire