خاص. ماطيشا فالمغرب فيها مشكل كبير: 50 فالمائة من المساحات المزروعة مشات واللي بقا مزال مطابش بسباب البرودة وعامل الأمراض غايزيد ينقص الكمية والتصدير توقف مؤقتا لإفريقيا والدولة خدامة باش دير مخزون

كود الرباط///

علمت “كود” أن 50 من المساحات المزروعة بالطماطم في المغرب مشات وتستهلكات،  وبقات 50 في المائة الأخرى مزروعة كتسنا طيب.

وحسب مصدر مسؤول لـ”كود” فإن المساحة لي بقات ديال الطماطم فالمغرب هي 7 الف هكتار، مؤكدا بلي كاين نقص فماطيشا فالسوق بسباب الجو البارد فالمغرب.

وأكد ذات المصدر لـ”كود” أنه ملي تيكون الطقس دافئ وسخون كيطيب ماطيشا ويتم قطفها، لكن دبا تعطل طيباها، اضافة إلى وجود عوامل أخرى مؤثرة بحال الأمراض والفيروسات.

التخوف الكبير لي عند المهنيين دبا هو هاد الامراض خصوصا كاينا هضرة بلي شي فيروس كيضور ، ويقدر يتسبب فنقصان هاد ماطيشا.

وعن جود قرار بوقف تصدير ماطيشا لإفريقيا، قال المسؤول :”هذا ماشي قرار نهائي او تصدر رسميا، بل فقط مشاكل تقنية أجلت التصدير لمدة تقدر توصل لـ15 يوم”.

دبا حسب ذات المصدر، الأولوية تعطات للتخزين، البصلة عندها تخزين عادي، والطماطم فيها مشكلة كبيرة بسباب الطقس والمفاجأة ديال الفيروسات لي تقدر تخربق كولشي، وثالثا البطاطا لي ممكن التخزين ديالها.

إقرأ الخبر من مصدره