كود سبور//
خرج الناخب الوطني وليد الركراكي من اللائحة النهائية ديال المرشحين للفوز بجائزة أحسن مدرب فالعالم لعام 2022، اللي كتعطيها الفيفا واخا الإنجاز اللي دار مع المنتخب الوطني المغربي وفريق الوداد الرياضي فعام واحد.
وأعلن الإتحاد الدولي لكرة القدم على أسماء الثالث مرشحين للفوز بجائزة أحسن مدرب فالعالم وهم الإيطالي كارلو أنشيلوتي مدرب ريال مدريد الإسباني، والأرجنتيني ليونيل سكالوني مدرب منتخب الأرجنتين، والإسباني بيب كوارديولا مدرب مانشستر سيتي الإجليزي.
وكان وليد الركراكي فاللائحة ديال الفيفا الأول للمرشحين للفوز بجائزة أحسن مدرب لعام 2022، وكيتعتبر من المدربين البارزنين العام اللي فات من بعدما وصل مع المنتخب الوطني المغربي لدومي فينال المونديال وربح دوري أبطال إفريقيا والبطولة الإحترافية مع الوداد الرياضي.
Laisser un commentaire