فيتا كلوب خصم الوداد فالعصبة ما عندوش تيران

كود سبور//

غيكون فريق فيتا كلوب الكونكولي مجبر باش يبحث على تيران يستقبل فيه ليماتش ديالو فعصبة أبطال إفريقيا لكرة القدم، ومنها المباراة اللي غيلعب ضد الوداد الرياضي فليكروب ديال البطولة الفريق  فمارس المقبل.

الكاف راسل فريق فيتا كلوب، وأكد له أن التيران ديالو الشهداء بعاصمة الكونكو الديمقراطية كينشاسا ما صالحش باش يتلعبو فيه ليماتش ديال عصبة أبطال إفريقيا، حيث ما كيحترمش كايي تشارج ديال الإتحاد الإفريقي.

الجهاز الإفريقي شدد على المسؤولين ديال فيتا كلوب باش ضروري يقلبو على تيران يلعبو فيه مرحلة ليكروب من عصبة أبطال إفريقيا، وهادشي يقدر يخلي الفريق يلعب خارج بلادو حيث الكونكو الديمقراطية ما فيهاش تيرانات كثيرة وملعب الشهداء اللي ممنوع من الكاف هو أحسن واحد فيها.

وكيتواجد فيتا كلوب مع الوداد والرياضي فالكروب الأول من عصبة أبطال إفريقيا، وغيلعب معه فالكونغو الديمقراطية فالجولة الرابعة من دور المجموعات يوم 17 مارس المقبل.

إقرأ الخبر من مصدره