كود سبور//
وصلت بعثة الرجاء الرياضي إلى تنزانيا باش تلعب مع سيمبا التنزالي فعصبة أبطال إفريقيا غير هاد الصباح، من بعد ساعات ديال السفر فرحلة شاقة للفريق تقدر تأثر على نتيجة الماتش السبت الجاي.
وحلت بعثة الرجاء الرياضي قبل لحظات من صباح اليوم الخميس بمدينة دار السلام التنزانية بسلام، ولكن كان واضح عليها العياء ديال السفر والسعات اللي دوزتهم وهي فالسماء وفالماطارات، وراه انتقل اللاعبين والطاقم التقني لفندق إقامتهم باش يرتاحو شويا من تعب الرحلة.
وانتقل الرجاء الرياضي البارح بنهار من مطار محمد الخامس بالدار البيضاء إلى مطار الدوحة بقطر فطائرة أولى ودوز الفريق شي 3 الساعات تماك، عاد من بعدها شد طائرة ثانية من الدوحة إلى دار السلام بتنزاتيا، وهاد الرحلة الشاقة سببها أن رئيس النادي عزيز البدراوي عجز يوفر طائرة خاصة تنقل الفريق نيشان من المغرب إلى تنزانيا وتسافر به فأحسن الظروف.
Laisser un commentaire