كود سبور//
صبح الدولي المغربي نصير المزراوي نجم بايرن ميونيخ الألماني قريب يرجع يلعب من بعد أشهر وهو كيرتاح، حيث كان مريض فالقلب ديالو من كأس العالم اللي فات.
وعلن بايرن ميونيخ الألماني اليوم الخميس، أن الطاقم الطبي والتقني سمحو للنجم المغربي نصير المزراوي أنه يرجع يتدرب وسط التيران ديال التداريب وبالكرة حيث الحالة الصحية ديالو صبحت مزيانة، فانتظار يرجع يلعب مع الفريق فليماتش الجايين، وكذلك يكون حاضر مع المنتخب الوطني المغربي فالمبارتين الوديتين ضد البرازيل والبيرو فشهر مارس الجاي بطنجة ومدريد.
نصير المزراوي كان متبع بروتوكول خاص، حيث جاتو مضاعات فالقلب ناتجة عن اصابتو بفيروس كورونا المستجد ملي كان مشارك مع المنتخب الوطني المغربي فكأس بقطر، ويالاه بدا كيتدرب هادي 15 يوم بشكل منفرد مع المعد البدني للبايرن اللي بدا كيوجدو بدنيا باش يرجع يتدرب مع لكروب.
Laisser un commentaire