البارصا غادي تفلت من عقوبة جديدة والقضية فيها الرشوة والتقادم

كود سبور//

كيبان أن فريق البارصا الإسباني غيفلت من العقوبة بسبب واحد الصفقة قديمة كيتقال على أنها تعطات كرشوة، وكان برمها النادي مع مسؤول سابق فالتحكيم بالاتحاد الإسباني لكرة القدم، وهادشي حسب خافيير تيباس رئيس رابطة الدوري الإسباني، واللي أكد أنه ما يمكنش تكون شي عقوبات انضباطية رياضية على البارصا.

وحسب رئيس رابطة الدوري الاسباني فالحاجة اللي مخلية العقوبة ما تنزلش على البارصا هي تقادم الواقعة واللي دفع فيها البارصا 1.4 مليون أورور، للحكم السابق خوسيه ماريا إنريكيز بين 2016 و2018، ملي كان هو نائب لرئيس اللجنة الفنية للحكام.

خافيير تيباس وفبلاغ له وضح أنه من غير الممكن تكون عقوبات انضباطية رياضية فهاد الحالة، لأنه بين 18 و23 دازت 5 سنوات، وهذا النوع من العقوبات كيتم فرضها على المخالفات اللي وقعت غير فالسنوات الثلاث السابقة، وأشار أن رابطة الدوري الاسباني غادي تنتظر تحقيق النيابة وفحالة ما توجهت حتى تهمة غيتم حفظ القضية.

إقرأ الخبر من مصدره