گود” فسوق رأس العين الشاوية …ثمن الخضرة طاح وها شحال واصلة فهاد السيمانة – فيديوهات

مصطفى المزابي- كود راس العين //

اليوم مشا طاقم “گود” للسوق الاسبوعي رأس العين الشاوية بمنطقة مزاب ، وتلاقى مع الخضارة والمواطنين ليصرحوا ان السوق صبح ناقص مقرنة بالسبت لداز .

https://fb.watch/iMG1GrwXfI/?mibextid=cr9u03

كود سولات الخضارة او قالو لها ان ثمن الخضر هبط شوي مقارنة بالاسبوع المنصرم بحيت قال ان الصندوق ديال بطاطة وصل اليوم مابين 180 درهم و200درهم اوحنا تنخلط الخضرة او تنبعوها ب70 او 80 ريال الكيل اما مطيشة شوي هبطات اليوم 180 درهم لصندوق بعدما كانت وصلات حتى 300 درهم الصندوق ،المليحة ديال مطيشة تتباع 12 درهم ومتوسطة تتباع 8 درهم ،او دبا رخا ديال الخضرة تيتحكم فيه العرض مع الطلب .

“كود “سوالت نفس الخضار على هذه الخطة لدارتها الدولة باش تحارب المضاربين قال ان الدولة خاصها تمشي عند الفلاح باش نزل الثمن ديال الغلة او تحدد التسعيرة باش الخضارة تهما اديرو ثمن معقول اودبا راه السلعة قليلة .

https://fb.watch/iMG2pwejxi/?mibextid=cr9u03

مواطن جاي تقدى الخضرة او سولات “كود ” قال ليها ان الخضرة شريتها كلها ب 5 دراهم هذي على هذي بستتناء ماطيشة لي الثمن ديالها باش شريتها 160 ريال مقرنة بالسوق لي داز كانت الثمن ديالها 10 درهم

اللحم البگري داير 75 درهم للكيلو هاد الصباح. نفس الثمن لي كان بسوق السبت لي فات “كود ” هضرات مع واحد الكزار قال ان المنطقة باقي مستفداش من الابقار المستوردة راه حنا تنشريو من عند موالين البلاد .

بياع او شراي فالبقر قال ان هذا السوق راجع شوي في ثمن البكري حيت اللحم ديال العجل تيطيح على الجزار 70 درهم والعجلة تطيح 65 درهم البهيم راها موجودا فالاسواق الكبرى ديال اقليم سطات .

إقرأ الخبر من مصدره