كود سبور//
خلقو اللاعبين بفريق تشيفس ديال “سبور بول” الحدث فميريكان بطريقة احتفالهم من بعد التتويج بلقب البطولة فكرة القدم الأمريكية، ملي ربحو إيكلز فالفينال.
الفينال سالا بنتيجة 38 مقابل 35 لمصلحة كانساس سيتي تشيفس على حساب فيلادلفيا إيكلز، وربح الفريق اللقب، والمثير للإعجاب أن اللاعبين هبطو الأمهات ديالهم للتيران وبداو كيحتافلو معهم على طريقة اللاعبين ديال المنتخب الوطني المغربي فكأس العالم بقطر.
هاد الطريقة ديال الاحتفال المغربية اللي نقلوها الميريكانيين من اللاعبين المغاربة خلقت البوز فالولايات المتحدة الأمريكية وكلشي كيتكلم عليها، وراه القنوات الأمريكية كتستضف الأمهات ديال اللاعبين وكتدير معهم حوارات بسبب هذا الاحتفال.
Laisser un commentaire