العام لي فات كانوا فيديوات الدكتور الفايد ديال لي مريض بالسكر يصوم لي عندو بوزلوم يصوم وهاد العام هو نيت موحال يصوم مع كيبان شد نفس لوطوروط لي شد سعيد بنجبلي وراه غادي فيها مكسيري بالمارشريان

محمد سقراط-كود///

العام لي فات كانوا فيديوات الدكتور الفايد ديال لي مريض بالسكر يصوم لي عندو بوزلوم يصوم وهاد العام هو نيت موحال يصوم مع كيبان شد نفس لوطوروط لي شد سعيد بنجبلي وراه غادي فيها مكسيري بالمارشريان، الموشكيل هو السنين كلها لي دازو فاش كيشكك شي واحد في الهدرة ديال الدكتور الفايد كان كيتعرض للسبان والمعيور ويهجموا عليه أولترا حمد الله عشاق خبز الشعير والسيرو خضر، ولكن هاد العام هوما نيت هاجمين على الفايد معبودهم ديال العام لي فات، باش تعرف راه الناس غير مالتبقاش غادي معاهم في هواهم كيقلبوا وجههم، كاع داك العلم راه كان كيقوليهم شنو بغاو يسمعوا وصافي وماشي شنو صالح ليهم.

اللحايا ديال يوتوب والأدسنس باغين يديرو فيها حماة الله والدين والشريعة في البلاد، بعد ماصعابت حماية الدين وتغيير المنكر بشرع اليد راهم خدامين دابا بالدعاء والحوالة من يوتوب، ولكن راه نفس الهدرة ونفس الخطاب الإقصائي الغارق في الماورائيات وعلم المضمضة والإستنجاء والمضاربة على شكون لي يستاحق صفة رجل علم، والفقها من نيتهم كيهدرو عل أساس أنهم علماء بحالهم بحال لي ختارعوا البورطابلات والكاميرات والبيسيات ولانطرنيط لي فيها كينشرو البولشيت ديالهم بدعوى أنه علم ما يجوز ولا يجوز في عدة الغير الحائض، إلى غيره من الكتب والمؤلفات الدينية لي ألفوها مايدعون أنهم علماء وهم الوحيدون المشمولون بصفة العلم ، والدكتور الفايد غير طبيب مزاحم معاهم في علم الحديث لي تكتب 200 عام من بعد وفاة سيد النبي.

اللحايا عموما فاش كيتكلاشاو دغية يهدرون دم بعضهم ويكفرون ويخرجون من الملة كل من إختلف معهم هادشي من موقعة الجمل ونتا غادي ليومنا هذا شي كيزايد على شي في العلم، حتى شفنا اللحايا من داعش يذبحون لحايا من النصرة وهوما بجوج متشددين وزعمة في حرب ضد النظام والكفار، الحمد المغرب كاين المخزن لي تكوى بنارهم وناوي مايعاودش، عليها هاجد الكلاشلات حدها يوتوب والترولات والفيديوات، أما راه كيبانليك بنادم حابسها على شوية ويورك على البوطون لي كيدي لسلا، وحنا في كود ماعلينا الى نقولوا اللهم اضرب الظالمين بالظالمين وأخرجنا منهم سالمين.

إقرأ الخبر من مصدره