كود سبور//
تفاجأت الجماهير اللي مشات تشري تذاكر ماتش الدفاع الحسني الجديدي والوداد الرياضي فالبطولة، من غياب 3 نجمات على اللوكو ديال الواك فالتيكي اللي كيتباع.
جماهير الوداد الرياضي ملي شرات تذاكر ماتش فريقها أمام الدفاع الحسني الجديدي، تصدمت وهي كتلقى فتيكي نجمة من نجمات عصبة أبطال إفريقيا ناقصة من اللوكو ديال الحمرا، وكاينين غير 2 نجمات ديال عصبة أبطال إفريقيا تحت اللوكو.
هاد السلوك من إدارة الدفاع الحسني الجديدي سلط عليها غضب كبير من جماهير الوداد الرياضي، اللي بداو كيهضرو على هاد الموضوع بمواقع التواصل الاجتماعي، واستغربو من هاد الخطوة اللي بعيدة على مبادئ الروح الرياضية واحترام الخصم، واللي تقدر تسبب فتشنج العلاقة ما بين جماهير الفريقين وممكن تطور للشغب.
Laisser un commentaire