كود سبور//
غيبدا الوداد الرياضي يوجد للماتش المهم اللي عندو الجمعة المقبل فعصبة أبطال إفريقيا ضد فيتا كلوب الكونغولي فستاد دونور بكازا، فمؤجل الجولة 1 من لكورب الأول.
الوداد الرياضي غيبداو يتدربو إبتداء من اليوم الأربعاء وعندهم حصة تدريبية فتيران بنجلون هذه العشية، غتكون خفيفة بدنيا وغيحاول من خلالها المدرب كارلوس كاريدو والطاقم التقني اللي معاه يحيدو العياء ديال ماتش البارح ضد خريبكة من اللاعبين، ويشوفو الحالة الصحية ديالهم واش كاينين شي إصابات وسط لكروب.
المورال طالع عند لاعبي الوداد الرياضي وناشطين بالعودة إلى صدارة البطولة الإحترافية بعدما ربحوا أولمبيك خريبكة بنتيجة 3 مقابل 2، والفريق بدا كيركز دابا على الماتش ضد فيتا كلوب الكونغولي فعصبة أبطال إفريقيا والفوز فيه كيعني تصدر الواك للمجموعة.
Laisser un commentaire