كود سبور//
أكد ليما مابيدي نجم فيتا كلوب الكونغولي واللاعب السابق للرجاء، أنه كيعرف مزيان الوداد الرياضي الخصم ديال فريقو فماتش الجولة الأولى المؤجل من عصبة أبطال إفريقيا.
وعبر ليما مابيدي خلال الندوة الصحافي اللي كتسبق ماتش الوداد الرياضي وفيتا كلوب الكونغولي على التفاؤل ديالو بخصوص هذه اللقاء، وأن فيتا كلوب قادر يحقق نتيجة إيجابية.
وقال ليما مابيدي اللاعب السابق للرجاء والحالي لفيتا كلوب: “كنعرف البطولة المغربية وكنعرف حتى الوداد مزيان، وطريقة اللعب ديالهم، وحنا مركزين على الرباح”.
وكمل مابيدي وقال: “الماتش ضد الوداد وجدنا له مزيان فحال جميع ليماش ديالنا ضد الفرق فهذا لكورب، والمهم عندنا هو نجمعو النقاط”.
للإشارة فيلما مابيدي سبق له لعب عدد من الديربيات مع الرجاء الرياضي ضد الوداد الرياضي، وكيتعتبر من الصفقات الناجحة للرئيس الأسبق للرجاء محمد وبودريقة.
Laisser un commentaire