كود سبور//
انتصر البارصا على غريمو ريال مدريد فالكالاسيكو الإسباني اليوم الخميس فتيران سانتياكو بيرنابيو بالعاصمة الإسبانية مدريد، فماتش كيندرج ضمن ذهاب دومي فينال كأس ملك إسبانيا.
وسالا ماتش الكلاسيكو قبل لحظات، لمصلحة البارصا على حساب ريال مدريد بنتجية واحد لزيرو، وماركاو البارصا الهدف ديالهم فالدقيقة 26، من بعدما حبس لكول ديال الريال تيبو كورتوا الكرة وضربت فصاحبو إيدير ميليتاو وتسجلات عليهم بالغلط.
هذا الرباح غيخلي البارصا يديرو رجل فالفينال ديال كأس ملك إسبانيا فانتظار نتيجة مباراة الإياب يوم 5 أبريل المقبل، وبالمقابل فريال مدريد مطالب أنه يربح فماتش الروتور بنتجية 2 لواحد على الأقل باش يتأهل للنهائي.
Laisser un commentaire