كود سبور//
قرر محمد هوار رئيس مولودية وجدة والمكتب المديري اللي معاه التراجع عن الاستقالة من رئاسة النادي، وهادشي من بعدما عبر على الرغبة ديالو بالرحيل فوقت سابق ودابا طلب من جميع مكونات وجدة تعاون معه لإنقاذ الفريق فظل غياب مرشح للرئاسة ياخذ بلاصتو.
وخلال فعاليات الجمع العام الاستثنائي لمولودية وجدة المنعقد فهذه اللحظات من يوم الجمعة، عبر محمد هوار رئيس النادي وحسب مصدر من عين المكان، على الاستعداد ديالو للرحيل مقابل يجي شي واحد ياخذ المنصب ويقدر يعتق الفريق من الأزمة اللي كيعيشها.
وأمام غياب أي مرشح لرئاسة مولودية وجدة قرر محمد هوار الاستمرار فرئاسة النادي والتراجع عن الاستقالة، وطلب من الجميع مكونات المولودية خلال الجمع العام اللي حضوره أعضاء المكتب المديري المنخرطين بالنادي يتعاونوا معه لمصلحة مولودية وجدة، وأن الحب ديالو للفريق اللي عاش معه سنوات هو اللي مخليه يبقى رئيس.
Laisser un commentaire