سامي العلوي -گود كازا //
فالجديد ديال قضية البوليسي لي لقاوه محروگ ومليوح في لانگار كشفات مصادر خاصة ديال “گود” ان عناصر الأمن لمكلفة بالبحث والتحقيق لقات هاد العشية طوموبيل ديال البوليسي لي من نوع گولف سانك والبومبية كطفي في العافية.
الطوموبيل بالضبط لقاوها فسوق الحد فبوسكورة، ولقاو آثار الدم ديال البوليسي بأحد السقايات فالجماعة الترابية اولاد صالح.
وكان البوليسي تخطف من الرومبوان ديال بن تاشفين بمنطقة الرحمة وتحرگات الجثة ديالو فحد السوالف.
ومن خلال هاد التحقيقات وقفات المخابرات الداخلية على أن العدد ديال لي نفذو هاد العملية هما اكثر من أربعة ديال المجرمين.
Laisser un commentaire