“لونوفليست”: الفنان مراد فدواش غيفتتح اول معرض ليه فكازا بكتالوگ صور ديال دوارو

اسماء غربي – كود//

افاد موقع ” لونوفليست” ان الفنان المغربي المصور مراد فدواش ربح فعرض “Dream Artist” اللي تم البث ديالو على قناة دوزيم فنهاية عام 2022 ، دار المعرض الأول ديالو “من دوار شانتي إلى نيويورك” نهار الجمعة 10 مارس من الشهر الجاري فمركز الفنون الأمريكية فالدار البيضاء.

وأضاف أن مراد فدواش هو فنان فعمرو 23 سنة من دوار سيدي يحيى الغرب، دار عمل بإسم من دوار شانتي إلى نيويورك” ،صور فيه الظروف المعيشية لدوارو وسلط الضوء على تقاليد وطقوس المنطقة والطفولة والأحلام وقضايا فحال الهشاشة والهجرة، الكتالوج ديال الصور اللي دار تعرضات فبرنامج “Dream Artist TV Prime” الذي داز فا 2M فأكتوبر ونوفمبر 2022.

وأشار انه من 10 مارس ل 20 أبريل ، الجمهور غيقدر يكتشف ثلاثة أشكال للصور خلال هذا المعرض، لقطات كبيرة ومتوسطة وصغيرة الحجم تصور البيئة الاجتماعية للفنان

إقرأ الخبر من مصدره