كود سبور//
كتواصل التقارير الأوربية فربط فريق ليفربول الإنجليزي باللاعبين المغاربة، وهادشي راجع لتألق الأسماء المغربية سوا مع المنتخب الوطني المغربي فالمونديال الأخير أو مع الفرق ديالها وأيضا لرغبة ليفربول في إحداث تغييرات على الصفوف ديالو.
وكشف موقع “fichajes” الإسباني أن ليفربول الإنجليزي حاط عينيه على الدولي المغربي يوسف النصيري مهاجم إشبيلية الإسباني، والفريق الانجليزي كيوجد باش يقدم عرض للفريق الأندلسي الصيف المقبل للتعاقد مع ولد مدينة فاس.
نفس المصدر، قال أن المسؤولين بليفربول الانجليزي موجودين عرض غيقدموه فالصيف لإشبيلية الإسبانية، كيوصل لحوالي 30 مليون جنيه إسترليني ا تقريبا 30 مليون أورو مقابل الحصول على خدمات يوسف النصيري، وهذا العرض صعيب على الفريق الإسباني يرفضو واخا النصيري مهم عندو ولكن الأزمة المالية اللي فيها غتخليه يوافق.
Laisser un commentaire