فين غادي البدراوي بالرجاء؟. الفريق العالمي كان غيتحرم من المبيت فالفندق قبل ماتش برشيد حيث ماكيناش لفلوس

كود سبور//

دخل الرجاء الرياضي فاخر لحظة مساء الثلاثاء للفندق بكازا باش يدير كونسوطراسيون للماتش ديالو الأربعاء فكأس العرش ضد يوسفية برشيد، حيث الفرقة ما كانش عندها فلوس باش تخلص المبيت فلوطيل.

وكشف مصدر جيد الاطلاع، أن الرجاء الرياضي اللي كيترأسها عزيز البدراوي، كانت غتحرم من الكونسونطراسيون فالفندق اللي متعود يدخل له الفريق قبل من أي مباراة، حيث ما كانوش لفلوس وحتى لأخر لحظة وبتدخلات تمكن الفريق من حجز ليلة بالفندق من بعدما توصلت إدارة الاوطيل بشيك.

وحسب نفس المصدر، فالرجاء الرياضي الفريق اللي كان يضرب به المثل فالتسيير والحكامة، الأمور لداخل فيه لا تبشر بخير لا ماديا ولا تسييريا رغم بعض التدخلات من الغيورين على النادي، ولكن ما بيدهم حيلة حيث القضية ضبابية وصعيبة، وحتى حد ما عارف فين ماشي النادي العالمي مع عزيز البدراوي اواش بصح الأخير باغي يقدم الاستقالة بالفعل أولا لا.

إقرأ الخبر من مصدره