كود الرباط//
في سابقة من نوعها، ولأول مرة فهاد الحكومة، يتم اعتماد لوحة فنية كتسجد التحول الصناعي والفلاحي والتنموي لي عرفات بلادنا طيلة السنوات الماضية، وكتعبر على مستقبل التنمية، فالهوية البصرية للاستراتيجية الوطنية للتنمية المستدامة.
هاد اللوحة الفنية للي مرسومة باليد، عكس باقي الأنشطة الوزارية السابقة، غادي تكون هي الهوية البصرية لأنشطة وزارة الانتقال الطاقي اللي كتواكب الاستراتيجية الوطنية للتنمية المستدامة فهاد السنة 2023.
وحسب معلومات حصلت عليها “كود” فإن خطوة اعتماد لوحة فنية فالنشاط الأخير لي دارت وزيرة الانتقال الطاقي بمقر مجلس جهة الرباط، وبحضور الوالي محمد اليعقوبي وعدد من المسؤولين، حظيت بإعجاب عدد من الوزراء .
واستحسن الخطوة كذلك عدد من الفنانين، خصوصا وأن “الديجيتال” أصبح الأسلوب السائد داخل المؤسسات والوزارات للترويج للمشاريع والحصيلة السنوية، بحيث أنه تجيب لوحة فنية مرسومة باليد هادي حاجة زوينة وخاص الإقبال على هاد الخطوات.
يشار بلي عدد من القطاعات الحكومية كتستعن بما يسمى بالمؤثرين لي كيديور فيديوهات غبية أحيانا كتكون فيها معلومات كاذبة وتشويه لصورة المرأة، فالمقابل كيتم تهميش فنانين ورسامين كيخدمو بدراعهم ماشي بالكذوب والنصب والاحتيال.
Laisser un commentaire