اسماء غربي- كود//
منظمو مهرجان “Marrakech du Rire – مراكش للضحك” وM6، علنو البارح الخميس، تأجيل النسخة ديال هاد العام.
وجا فالبيان ان قصر البديع غادي يترمم، وداكشي علاش تمنع استقبال الجمهور فيه فهاد الفترة.
وزاد البيان انه “حيت القصر مرتابط بهوية المهرجان، تقرر تأجيلو.. و جمال الدبوز وگاع فرق المهرجان كيشكرو الجمهور على مساندتهم”.
وجا هاد التأجيل فعز الازمة الدبلوماسية بين فرنسا والمغرب، وحتى من بعد ما بان الكوميدي المغربي الفرنسي جمال الدبوز، خلال حضورو للماتش اللي جمع بين المنتخب المغربي والفرنسي، برسم نصف نهائي كأس العالم 2022 بقطر، بتوني كيجمع بين أسود الأطلس والديكة الفرنساوي، زعما باش يعبر على التزامو بالحياد وتشجيع المنتخبين بجوج، ولكن الجماهير المغربية تكرهات بزاف، وشبعو فيه سبان فمواقع التواصل، وقالو ليه هاد الوطنية نص نص ديالك مرفوضة..
