عمر المزين – كود//
النجم الأرجنتينى، ليونيل ميسي، لقاو راسو حصار داخل وخارج واحد الريسطو مشهورة فوسط العاصمة الأرجنتينية بوينس آيرس، مني كان مشا يتعشا مع شي صحابو، حيث عاد إلى بلاده باش يلعب جوج متشات وديتين مع منتخب التانغو أمام بنما وكوراساو خلال فترة التوقف الدولي الحالية.
ميسي كان فواحد الريسطو إسمو “Don Julio”، ومني وقع ليه هادشي تبين ليه باللي أنه ميمكنش ليه يسكن فالأرجنتين بعد الآن، حقاش معمرو يحلم بشي حاجة إسمها الهدوء بعد أن قاد بلاده للفوز بكأس العالم 2022 في قطر.
وسائل إعلام هضرات على هاد الحادث اللي وقع لميسي ووصفات حجم الاحتشاد حول المطعم بـ”الهائل”، إلى درجة اضطرت معها البوليس إلى التدخل باش يخرجوه مع عائلتو وصحابو اللي كانوا معاه.
Laisser un commentaire