“بلومبرگ”: صادرات روسيا من الگازوال ماتأثراتش بعقوبات أوروبا وعندها كليان بحال المغرب اللي ولى كيشري من عندها بزاف

اسماء غربي- كود//

افاد موقع”Bloomberg” ان صادرات الگازوال الروسية غادية مزيان وكاع ممتأثرة بعقوبات الاتحاد الأوروبي.

واضاف الموقع أن شحنات وقود الديزل من روسيا وصلات غير فأول 19 يوم من مارس حوالي 1.5 مليون برميل يوميا.

وأضاف “بلومبرگ” أن موسكو كاع مامسوقة للعقوبات اللي مفروضة عليها والحظر ديال الاستيراد اللي مفروض عليها واللي ممكن يجبرها تخفض الصادرات وسط قلة مشترين بديلين، إلا أن روسيا عندها زبناء اخرين فحال المغرب وتركيا والبرازيل وتونس وحتى المملكة العربية السعودية ولاو كياخدو من عندها كثر من قبل.

وكانت صحيفة “وول ستريت جورنال” تطرقات حتى هي لموضوع الأسواق البديلة للنفط الروسي، وقالت ان دول شمال إفريقيا كتستحوذ على المنتجات النفطية الروسية اللي ماكيشريهاش الغرب.

اما موقع “اوروبا بريس” فقال فموضوع تنشر البارح انه تم احتجاز السفن CRIUS و ANSHUN II و Nobel، ناقلات النفط المستأجرة من قبل الشركات الروسية، فأعالي البحار قبالة الساحل المغربي، وتم إعدادها لسفينة أخرى للرسو على الجانب لتنفيذ عملية نقل النفط من الموانئ الروسية وفبحر البلطيق والبحر الأسود.

https://www.bloomberg.com/news/articles/2023-03-27/russia-s-diesel-exports-heading-for-record-despite-eu-sanctions?leadSource=uverify%20wall

https://www.europapress.es/videos/video-tres-buques-procedentes-rusia-preparan-trasvase-crudo-frente-costas-marroquies-20230328140743.html

https://www.wsj.com/articles/north-african-countries-snap-up-russian-oil-products-shunned-by-west-f63aa287

إقرأ الخبر من مصدره