الوينرز بداو كيوجدو التيفو للديربي

كود سبور//

كيفما نشر “كود” من قبل فجمهور الوداد الرياضي غيكون حاضر في ديربي الدار البيضاء غدا الأربعاء، باش يساند الحمرا أمام الرجاء الرياضي في الجولة 21 من منافسات البطولة الاحترافية لكرة القدم، واخا عزيز البدراوي زاد في ثمن التذاكر ووصلها إلى 100 و 200 درهم.

وبداو “الوينرز” لكروب المساند الوداد الرياضي قبل لحظات خدامين في “زون 4” أو “فريميجة” المخصصة لجماهير الوداد” وكيوجدو في التيفو اللي غيهزوه في الديريي، وكذلك الأنشطة اللي غيديرو باش يسجعو الحمرا ضد الرجاء الرياضي.

للإشارة فتذاكر “زون 4” ديال جمهور الوداد بستاد دونور تباعو كاميلين ومازال غير “زون 2” وهي المقاعد المغطاة ديال الوداديين في التيران، أما جماهير الرجاء الرياضي فالمناطق ديالها محجوزة ديجا حيث الأغلبية غيدخلو ببطائق الاشتراك والتذاكر اللي تحطو للبيع سالاو.

إقرأ الخبر من مصدره