كود سبور//
حضر هشام آيت منا رئيس شركة شباب المحمدية إلى ملعب المركب الرياضي محمد الخامس بالدار البيضاء اليوم الأربعاء، باش يحضر ديربي الرجاء والوداد ضمن منافسات الدورة 21 من البطولة الإحترافية لكرة القدم، ويشجع الفريق الأحمر اللي معروف أنه كيبغيه.
https://fb.watch/jJGIM7qQTQ/?mibextid=afzh1R
هشام أيت منا رئيس شركة شباب المحمدية، المعروف بالعلاقة ديالو المتشنجة مع الرجاء ومع الرجاويين، دخل للتيران في الديربي وهذا الماتش الرجاء هو الفريق اللي مستاضف اللقاء، وملي سولو موقع “كود” على الصفة اللي حاضر بها في هذا الماتش جبد التذكرة ديالو من جيبو و قال: “أنا جيت بالتيكي ديالي باش نشجع الوداد وغنمشي نتفرج في الماتش فالتلفزة بحال جمهور الوداد وراني متضامن مع الجماهير بسبب الزيادة في أثمنة التيكي باركة غير الزيادة اللي كاينة في الأسعار ياك قاليهم اللي معندوش يتفرج في التلفزة وحتى انا غنمشي للدار نتفرج ونشجع الوداد بحال الوينرز”.
للإشارة فهشام آيت منا ومن بعدما جا لدونور شجع اللاعبين ديال الوداد الرياضي وبرك شويا مع المسؤولين د الواك خرج ومشى بحالو يتفرج فالماتش فالدار كيفما قال.